ქართულ რეალობაში არსებული კრიმინალური მენტალიტეტისა და საზოგადოებაზე მისი ზემოქმედების პროცესისა და შედეგების შესწავლა, 2023

კვლევის ძირითადი მიზანი იყო ქართულ რეალობაში არსებული კრიმინალური მენტალიტეტისა და საზოგადოებაზე მისი გავლენის შესწავლა.

კვლევის მიზნის სრულყოფილად მისაღწევად დაისახა შემდეგი ამოცანები:

• დანაშაულის შესახებ საზოგადოების ინფორმირებულობის დონის განსაზღვრა;
• დანაშაულებრივი ქმედების გამომწვევი სოციალური ფაქტორების შესწავლა, რომლებიც პირს დანაშაულის ჩადენისკენ უბიძგებს;
• დანაშაულის მიმართ უფრო მეტად მიდრეკილი სოციალური ჯგუფების დადგენა და მათი სოციალურ-ეკონომიკური-კულტურული მახასიათებლების შესწავლა;
• დანაშაულის ჩამდენი პირების უფლებრივი მდგომარეობის და დანაშაულების მიმართ არსებული პოლიტიკის შესწავლა/შეფასება;
• საზოგადოებაზე, განსაკუთრებით ახალგაზრდებზე, კრიმინალური სუბკულტურების გავლენა;
• პენიტენციური დაწესებულებების შიგნით კრიმინალური სუბკულტურების დომინირებისა და გავლენების მიზეზების შესწავლა;
• მოზარდებს/ახალგაზრდებს შორის დანაშაულებრივი ქმედებების (მაგ. მკვლელობა, მკვლელობის მცდელობა, ხულიგნობა, ცივი იარაღის ტარება, და სხვ.) ჩადენის მზარდი ტენდენციების მიზეზების შესწავლა/ანალიზი;
• მოზარდების დამოკიდებულებები/განწყობები კრიმინალური სუბკულტურებისა და დანაშაულებრივი ქმედებების მიმართ;